पुष्कर तलाव, राजस्थान

पुष्कर हे हिंदू धर्मियांचे एक  मुख्य तीर्थस्थान आहे. ब्रम्हदेवाचे एकुलते एक  मंदिर पुष्कर येथे आहे. पुष्कर येथे आल्याशिवाय  चार धाम यात्रा  पूर्ण  झाली  नाही असे म्हणतात.  पर्यटक  अजमेरच्या दर्ग्याला भेट देतात, पण  पुष्कर हे तीर्थस्थान अजमेर पासून खूप जवळ आहे हेसुद्धा बऱ्याच जणांना माहित नसते. इथला गुलकंद  भारतभर प्रसिद्ध  आहे. राहण्यासाठी चांगली हॉटेल्स आहेत. राजस्थान  टूरमध्ये पुष्कर हे स्थळ आवर्जून  पाहावे असा फुकटचा सल्ला मी देऊ इच्छितो.

सेवेम सुझुकी ह्या मुलीने युनोच्या सभेमध्ये केलेले सडेतोड भाषण

सेवेम सुझुकी ह्या मुलीने युनोच्या सभेमध्ये केलेले सडेतोड भाषण ऐकले. १०० टक्के सत्य आहे.
आम्ही सूरपारंब्या खेळलो, मुले विटी-दांडू सुद्धा खेळू शकली नाही.

आम्ही चिन्चा, कैऱ्या पाडून  खाल्ल्यात, मुलांना त्या दुकानात विकत घेऊन खाव्या लागल्या.

आम्ही नदीचे पाणी प्यायलो आहोत, हल्ली नदीचा वापर सांडपाण्यासारखा होतोय.

आमच्या शिक्षकांच्या हातात छडी असे, आमची मुले शिक्षकांच्या खांद्यावर हात टाकून चालतात.
३० पर्यंत पाढे आमच्या अजून लक्षात आहेत, मुलांना टू इंटू टू साठी काल्क्यूलेटर लागतो.

आमच्या वेळेस फुटपाथवर लोक चालायचे, हल्ली फुटपाथ विक्रेत्यांसाठी राखीव असल्यासारखे झालेत.
आम्ही दहा दहा किलोमीटर गप्पा मारत चालत जायचो, हल्ली रस्ता ओलांडायला जीव मुठीत धरावा लागतो.
आम्ही आजोबांना दवाखान्यात घेऊन जायचो, आता मुलांसाठी दवाखान्यात जावे लागते.
मोकळ्या हवेत फिरले कि फ्रेश वाटायचे, आता कधी एकदा ह्या धुराड्यातून सुटून घरात पोचतो असे वाटते.

सगळे काही बदलून गेलेय. निसर्ग बदललाय, शिक्षणपद्धती बदललीय, शिस्त बिघडलीय.
आमच्या मुलांची हि परिस्थिती, तर सेवेम सुझुकी म्हणते तसे खरेच त्यांच्या मुलांची काय परिस्थिती असेल?
वेळेत जागे झालो नाही तर भविष्यात चंद्रावरच्या जागेसाठी पृथ्वीवर युद्धे झाली तर आश्चर्य वाटू नये.