काय चाललय काय हे ?

आय पी एल मध्ये सद्ध्या जे चाललय हे कधीतरी बाहेर पडणार होतच. एकजण अडकला की तो इतरांना सापळ्यात खेचणारच. पण सद्ध्या मुख्य विषय वेगळाच आहे.

हे जे बेटींग चालले आहे तो सगळा पैसा त्या हरामखोर पाकीस्तानी गुंडांना मिळतोय. म्हणजे इनडायरेक्टली ही नालायक मंडळी त्या अतिरेक्यांना पैशाचे पाठबळ देत आहेत. एवढीसुद्धा अक्कल ह्या बैलांना नाही की स्वतःच्या स्वार्थासाठी हे साले हरामखोर देशाच्या शत्रूशी हातमिळवणी करत आहेत. पैशासाठी आई बापाला विकणाऱ्याची ही औलाद नष्ट करायला हवी.

त्यामुळे बेटींग कायदेशीर करावे कि नाही हा विषय तूर्त बाजूला ठेवून ह्या देशद्रोह्यांविरुध्द कडक कारवाई व्हायलाच हवी. फक्त बेटींग बेकायदेशीर आहे म्हणून तेव्हढीच शिक्षा नको, देशद्रोहासाठी कायद्यात जी शिक्षा आहे तीच शिक्षा ह्या बेमुवर्तखोर मंडळींना व्हायलाच पाहीजे.

पाकीस्तानी खेळाडूंना बंदी घाला म्हणणारी मंडळी पाकीस्तानी पंच आणि समालोचकांना कसे काय चालवून घेतात? सगळे साले भारतात येवून पैसे कमावतात आणि हे असे आपल्यावरच उलटतात. त्या पाकीस्तानी पंचाबरोबर पाकीस्तानी समालोचकांना सुद्धा संशयाच्या जाळ्यात खेचायला हवे. आणि फक्त भारतीय खेळाडूच फिक्सिंगमध्ये कसे काय, परदेशी खेळाडू काय धुतल्या तांदुळासारखे स्वछ असू शकतात काय?

आणि दिवसभर बडबड बडबड करत बसणारे ज्येष्ठ क्रिकेटियर मंडळी आता मूग गिळून गप्प का बसलेत? त्यांना काय तो श्रीनिवासन स्वतःच्या खिशातले पैसे देतोय का म्हणून अजून कोणी काही मतप्रदर्शनसुद्धा करायला टाळतोय? शरद पवार, अरुण जेटली ह्यांच्यासारखी क्रिकेटचे राजकारण करणारी मंडळी पण मिडिया समोर यायला का कचरत आहेत? अण्णा हजारे, केजरीवाल तुम्ही तरी काही बोला, ती किरण बेदी एकटीच बोलत आहे.

ह्या सगळ्यात एकच चांगली गोष्ट म्हणजे पोलिस मनापासून काम करत आहेत. ह्या राजकारणारी लोकांना एक कळकळीची विनंती कि ह्यात आता हस्तक्षेप करू नका, आणि तपास संपेपर्यंत स्वतःच्या बगलबच्च्यांना वाचवण्यासाठी बदल्यांचे अस्त्र वापरू नका, बूमरेंग होईल.